【Now財經台】針對日本首相高市早苗嘅言論，中國向民眾發出「溫馨提示」，叫佢哋暫時唔好去日本旅行、留學，加上第3季國內生產總值(GDP)收縮，會唔會令日本經濟雪上加霜？不過，持續弱勢嘅日圓喺呢啲消息出爐後變動唔大，繼續企喺155水平樓下？點睇日圓後市？

ATFX亞太區首席分析師林銘添指，日本GDP收縮及中日關係緊張，暫時對日圓影響唔大，未來日圓走勢需視乎美國經濟數據對息口嘅影響，以及美元走強嘅可能性、日本政局變化。

他續指，高市早苗嘅言論一定會影響日本旅遊業，估計日圓短期都好難轉強，加上日本央行短期應該唔會加息，建議投資者可開日圓淡倉，可留意158至160水平，市場或期望日本政府會出手。