【Now财经台】针对日本首相高市早苗嘅言论，中国向民众发出“温馨提示”，叫佢哋暂时唔好去日本旅行、留学，加上第3季国内生产总值(GDP)收缩，会唔会令日本经济雪上加霜？不过，持续弱势嘅日圆喺呢啲消息出炉后变动唔大，继续企喺155水平楼下？点睇日圆后市？

ATFX亚太区首席分析师林铭添指，日本GDP收缩及中日关系紧张，暂时对日圆影响唔大，未来日圆走势需视乎美国经济数据对息口嘅影响，以及美元走强嘅可能性、日本政局变化。

他续指，高市早苗嘅言论一定会影响日本旅游业，估计日圆短期都好难转强，加上日本央行短期应该唔会加息，建议投资者可开日圆淡仓，可留意158至160水平，市场或期望日本政府会出手。