【now.com财经】八达通上星期宣布同日本最大电子支付平台PayPay合作，以后港人“返乡下”shopping又多一个付款选择，只要喺有PayPay商标嘅商户、交通工具，就可以用港元畀钱，有传媒去过当地嘅7仔及FamilyMart试用，操作非常方便，由开App到畀完钱只需约15秒。不过，去旅行始终都要有啲现金喺袋，日圆近排跌唔停，为游日港人提供咗一个唱钱好时机。

自“女版安倍晋三”高市早苗成为日本自民党党魁后，日圆就持续贬值，日圆今日一度跌至152.37兑1美元，见约8个月低位，每百日圆兑港元就一度跌至5.1边缘。

有美资大行估计，日圆年底前有机会见155，即系再贬值逾1.5%，到时兑港元可能见5.02算。