【now.com財經】八達通上星期宣布同日本最大電子支付平台PayPay合作，以後港人「返鄉下」shopping又多一個付款選擇，只要喺有PayPay商標嘅商戶、交通工具，就可以用港元畀錢，有傳媒去過當地嘅7仔及FamilyMart試用，操作非常方便，由開App到畀完錢只需約15秒。不過，去旅行始終都要有啲現金喺袋，日圓近排跌唔停，為遊日港人提供咗一個唱錢好時機。
自「女版安倍晉三」高市早苗成為日本自民黨黨魁後，日圓就持續貶值，日圓今日一度跌至152.37兌1美元，見約8個月低位，每百日圓兌港元就一度跌至5.1邊緣。
有美資大行估計，日圓年底前有機會見155，即係再貶值逾1.5%，到時兌港元可能見5.02算。
