Brian提到另一原因，指出日本的「致命傷」是「嘢食太過單一」，「食完之後你都係會冇嗰種滿足感，嚟嚟去去就係炸雞、拉麵、意粉、便當，仲要係嗰啲便當嚟嚟去去都係嗰啲款，只不過係落咗唔同汁」。

Brian說，他十分喜歡吃麻辣米線，但「喺日本基本上係冇辦法搵到麻辣米線，就算搵到類似嘅嘢都好啦，其實佢哋個味呢都係唔合乎香港人嘅口味或者可能唔合乎我嘅口味」、「我亦都從來冇諗過，原來食唔到自己想食嘅嘢呢，係會令到自己咁抑鬱」。

網民留言批評Brian在日本生活8個月毫無成長，「好失望，你曾經去返工，我以為你有成長，結果你竟然放棄，你返兼職啫，點會拍唔到片，2個人4對手」、「重點係自己搵唔到office工，又唔想做餐廳咁cheap，所以先要返香港」、「你喺日本度咩都唔想做，點會成功呀」、「老老實實，剩係喺到FF，無覺悟無目標」。

不少網民不認同Brian指日本食物單一，「日本嘢食都叫單一，笑咗，你知唔知自己噏緊乜X」、「日本嘢食都叫單一，去外國點算？」、「嘢食單一？冇睇孤獨的美食家介紹，係冇錢去食定冇心去呀！」、「呢8個月嘅得着就一碗正宗麻辣米線，知道無咗佢唔得，amazing」、「日本好多地方食到麻辣米線，廢到唔想做嘢都算，但廢到想食嘅嘢都唔去搵下，好嘢」。